जेठ ०३, २०७८
देशभर पालिकामा के भए ? जनप्रतिनिधिले के काम गरे ? कसले कहाँ अनियमितता गर्यो ? कहाँ कसले कस्ता गतिविधि गरे ? दिनभरका खबर
१) हेटौंडा अस्पताललाई दैनिक १०० अक्सिजन सिलिण्डरको व्यवस्थापन गर्ने हेटौंडा उपमहानगरपालिकाको निर्णय, अक्सिजन व्यवस्थापन गर्न अभियान नै सञ्चालन ।
२) अछामको बान्नीगढी जयगढ गाउँपालिकाका अध्यक्ष राजेन्द्र खड्काले चढ्दै आएको सरकारी गाडी कोरोना संक्रमित अन्य बिरामी बोक्न प्रयोग, कोरोना रोकथाम र नियन्त्रण गर्न पालिका क्रियाशील ।
३) दाङको तुलसीपुर उपमहानगरपालिकाले स्थापना गर्न लागेको अक्सिजन प्लान्ट तथा कोरोना मेट्रो अस्पतालको व्यवस्थापनमा आर्थिक सहयोग जुट्दै, संघसंस्था र व्यक्तिबाट रकम सहयोग ।
४) भक्तपुर नगरपालिकाले ६ जेठदेखि चिनियाँ खोप भेरोसेलको दोस्रो डोज लगाउन दिने, १८ वर्षदेखि ५९ वर्ष उमेर समूहका व्यक्तिलाई १७ जेठसम्म चरणबद्ध रूपमा खोप लगाइने, ललितपुर महानगरमा पनि ६ जेठ अभियान सुरु हुने ।
५) डोल्पाको मुड्केचुला गाउँपालिकाबासीले बल्ल पाए सञ्चार सुविधा, पालिकाको सहयोगमा टेलिफोनको टावर निर्माण ।
६) रौतहटको देवाही गोनाही नगरपालिकाद्वारा कोरोनाकालसम्म पालिकाबासीलाई एम्बुलेन्स निःशुल्क उपलब्ध गराउने घोषणा, पालिकाले आइसोलेसन कक्ष पनि बनायो ।
७) अक्सिजन प्लान्ट स्थापना र अक्सिजन सिलिन्डरका लागि कैलालीको धनगढी उपमहानगरपालिकाले स्थापना गरेको मेयर कल्याणकारी कोषमा रकम बढ्दै, कर्मचारी र जनप्रतिनिधीले कोषमा जम्मा गरे तीन लाख ५० हजार आठ सय ९३ रुपैयाँ ।
८) काठमाडौँको चन्द्रागिरि नगरपालिकाद्वारा दुई स्थानमा ६० शय्याको अक्सिजनसहितको आइसोलेसन केन्द्र सञ्चालन, हालसम्म चन्द्रागिरिमा कोरोनाका कारण ३५ जनाको मृत्यु ।
९) सिन्धुपाल्चोकको जुँगल गाउँपालिकालाई तरुण दल सिन्धुपाल्चोकका उपाध्यक्ष राजेन्द्र लामाद्वारा विभिन्न स्वास्थ्य सामग्री र पौष्टिक आहार प्रदान, पालिकाले कोरोना संक्रमितलाई थप आहार दिने ।
१०) स्वास्थ्यकर्मी, कर्मचारी र सरसफाइकर्मीलाई कोरोना भए उपचारमा लाग्ने सम्पूर्ण खर्च बेहोर्ने रौतहटको राजदेवी नगरपालिकाको निर्णय, पछिल्लो समय जिल्लामा संक्रमित बढ्दै ।
११) कोरोना संक्रमितको संख्या बढ्न थालेपछि हुम्लाको अदानचुली गाउँपालिकाद्वारा सबै सेवा तत्कालका लागि बन्द गर्ने निर्णय, पालिकाको कार्यालय ९ जेठसम्म बन्द हुने ।
१२) काठमाडौं महानगरमा परीक्षण गरिएकामध्ये ७० प्रतिशतलाई कोरोना पुष्टि, संक्रमण बढ्दै जाँदा उपत्यकाका पालिकाले सक्रियता बढाए ।
१३) खोटाङको हलेसी तुवाचुङ नगरपालिकामा अत्यावश्यकबाहेकका सेवा बन्द, संक्रमण दर बढेपछि साकेला गाउँपालिका एक साता सिल ।
१४) अस्पतालमा कोरोना संक्रमितको उपचारमा कठिनाई हुन थालेपछि प्रदेश–१ का अधिकांश स्थानीय तहले बनाए आइसोलेसन, विराटनगर महानगरपालिकाद्वारा ५१ शय्याको आइसोलेसन सेन्टर निर्माण ।
१५) भक्तपुरको चाँगुनारायण नगरपालिकाले सञ्चालन गरेको चाँगुनारायण अस्पताललाई स्थानीय समाजसेवी रमेश बुढाथोकीको नेतृत्वले दियो अक्सिजनसहितको १० वटा सिलिन्डर, नगरपालिकाद्वारा कोरोना बिरामीका लागि आइसोलेसन र एम्बुलेन्स सञ्चालन ।
१६ ) कोरोनासँग जुध्न बागलुङका १० पालिकाको बनाए संयुक्त कोष, ५५ लाख रुपैयाँको साझा कोष निर्माण ।
१७) कपिलवस्तु नगरपालिकाद्वारा कपिलवस्तु अस्पतालमा अक्सिजन प्लान्ट बनाउने निर्णय, कोरोना संक्रमितको उपचारमा समस्या आएपछि बल्ल भयो निर्णय ।
१८) बाँकेमा जारी निषेधाज्ञा १० जेठसम्म लम्बियो, दाङको दंगीशरण गाउँपालिका–३ का वडाध्यक्ष पूर्णबहादुर चौधरीको कोरोना संक्रमणका कारण मृत्यु ।
१९) काभ्रेको पनौती नगरपालिकाद्वारा कोरोनाको लक्षण देखिएकाको स्वाब संकलन गर्न सुरु, कोरोना नियन्त्रणका लागि जनप्रतिनिधि पनि सक्रिय ।
२०) भक्तपुरको मध्यपुर थिमि नगरपालिकाद्वारा सञ्चालित नेपाल-कोरिया मैत्री अस्पताललाई काठमाडौं महानगरले दियो ३ थान भेन्टिलेटर ।
फागुन ३०, २०८०
फागुन ३०, २०८०
फागुन २८, २०८०
कात्तिक १४, २०८१
