असार १४, २०७८
देशभर पालिकामा के भए ? जनप्रतिनिधिले के काम गरे ? कहाँ कसले कस्ता गतिविधि गरे ? दिनभरका खबर
१) खोटाङको साकेला गाउँपालिकामा व्यक्तिगत घटना तथा सामाजिक सुरक्षा भत्ता दर्ताका लागि घुम्ती शिविर सुरु, हरेक वडाका दुई-दुई स्थानमा १० दिन घुम्ती शिविर सञ्चालन हुने ।
२) बाजुराको हिमाली गाउँपालिकामा ९४ परिवार पहिरोले विस्थापित, पहिरोले गाउँ नै भासिन थालेपछि स्थानीय त्रिपालको सहारामा बस्न बाध्य ।
३) असार १० गते गाउँसभा वहिष्कार गरेका रूपन्देहीको ओमसतिया गाउँपालिकाका वडाअध्यक्षहरूबाट आफ्नै पालिकाको सूचना माग गर्दै निवेदन दर्ता, आर्थिक, सामाजिक र विकासका क्रियाकलापको सूचना माग ।
४) राष्ट्रिय वृक्षारोपण दिवसको अवसरमा ललितपुरको गोदावरी नगरपालिकाले हरित नगर अभियानको सुरुआत गर्यो, पालिकाले विभिन्न स्थानमा वृक्षारोपण गर्ने ।
५) कपिलवस्तुको बुद्धभूमि नगरपालिकाद्वारा किसानलाई मिनिटिलर वितरण, ३२ जना किसानले पाए मिनिटिलर ।
६) रुकुम पूर्वको भूमे गाउँपालिकामा पब्लिक हाजिरीको व्यवस्था, कर्मचारी आएको-नआएको सेवाग्राहीले सजिलै थाहा पाउने ।
७) झापाको कन्काई र उदयपुरको बेलका नगरपालिकामा अक्सिजन प्लान्ट सञ्चालन गर्न आर्थिक सहयोग जुट्दै, पालिकालाई सहयोग गर्नेहरू बढ्दै ।
८) सुनसरीको बराहक्षेत्र नगरपालिकाद्वारा वडा कार्यालयका कर्मचारीलाई सर्जमिन मुचुल्कासम्बन्धी अभिमुखीकरण, अब सेवा प्रवाहमा थप सहज हुने ।
९) सिन्धुपाल्चोकको मेलम्ची नगरपालिका र हेलम्बु गाउँपालिकाको बाढीपीडित राहत तथा पुनःस्थापना कोषमा रकम जुट्दै, कोषमा रकम सहयोग गर्नेहरू बढ्दै ।
१०) सरकारले घोषणा गरेको न्यूनतम पारिश्रमिक १५ हजारको माग गर्दै झापाको भद्रपुर नगरपालिका क्षेत्रका बाल शिक्षिका र कर्मचारी आन्दोलित, नगरपालिकाले बजेटमार्फत पारिश्रमिक कार्यान्वयनमा ल्याएन ।
११) जिल्ला समन्वय समिति कालीकोटले ९ वटै स्थानीय तहमा सञ्चालित स्थानीय तह, प्रदेश र संघका विकास निर्माणका योजनाको अनुगमन सुरु गर्यो, कार्यसम्पादन मूल्यांकनका आधारमा योजनाको प्रतिवेदन तयार पारिने ।
१२) रौतहटको देवाही गोनाही नगरपालिका-८ गोनाहीमा छठघाट निर्माण हुने, घाटको गरियो शिलान्यास ।
१३) संखुवासभाको भोटखोला र मकालु गाउँपालिकाका नागरिकलाई कोरोनाविरुद्धको भेरोसिल खोप लगाइँदै, १० हजारलाई खोप लगाइने ।
१४) जिल्ला समन्वय समिति स्याङ्जाले जनप्रतिनिधि र कर्मचारीका लागि आयोजना गरेको क्षमता अभिवृद्घि तालिम सम्पन्न, तालिमपछि कर्मचारीको दक्षता अभिवृद्धि हुने अपेक्षा ।
१५) लालीगुराँस भैँसीपालन कृषि समूहलाई जाजरकोटको भेरी नगरपालिकाले १० वटा उन्नत जातका भैँसी वितरण गर्यो, भैँसी अनुदानमा पाउँदा कृषक दंग ।
१६) कैलालीको धनगढी उप-महानगरपालिकामा कोरोना संक्रमण रोकथामका लागि अनिवार्य मास्क अभियान सुरु, अभियानमा सहयोग गर्न सबैलाई पालिकाको आग्रह ।
१७) दार्चुलाको महाकाली नगरपालिकाको आठौँ नगरसभा जारी, नगरसभाले आगामी वर्षको नीति कार्यक्रम र बजेट १५ असारमा पारित गर्ने ।
१८) स्थानीय तहले कोरोना परीक्षणको दायरा बढाए, संक्रमित पहिचान गर्न टोलटोलमा स्वास्थ्यकर्मी परिचालन ।
१९) झापाको कमल गाउँपालिका-५ को वडा कार्यालय भवन निर्माण सम्पन्न, नवनिर्मित कार्यालय भवनको गरियो उद्घाटन ।
२०) नगर विकास कोषसँग तीन नगरपालिका र तीन वटा खानेपानी उपभोक्ता समितिले गरे ऋण सम्झौता, सम्झौतापछि आयोजना अगाडि बढ्ने ।
चैत २४, २०८०
चैत १३, २०८०
बैशाख २९, २०८१
बैशाख २४, २०८१
बैशाख १९, २०८१
बैशाख २७, २०८१
बैशाख १९, २०८१
