मंसिर ०६, २०७८
देशभर पालिकामा के भए ? जनप्रतिनिधिले के काम गरे ? कहाँ कसले कस्ता गतिविधि गरे ? दिनभरका खबर
१) चितवनको भरतपुर महानगरपालिकाको आयोजनामा संघ तथा प्रदेशका मन्त्रीको सहभागितामा समृद्ध भरतपुरको लागि विकास बहस सम्पन्न, महानगर प्रमुख रेणु दाहालद्वारा १३ वटा गौरवका आयोजनालाई बजेट व्यवस्था गर्न माग ।
२) ललितपुर महानगरपालिकाले कोरोना विरुद्धको कोभिशिल्ड र भेरोसेल खोप शनिबारबाहेक बाँकी सबै दिन लगाउने, जनस्वास्थ्य शाखा छाबहालमा खोप लगाउने व्यवस्था ।
३) सर्लाहीको हरिवन नगरपालिकाले वडा नम्बर ११ स्थित चापिनी नदीको बगरमा औद्योगिक ग्राम बनाउने, आठ बिघा क्षेत्रफलमा औद्योगिक ग्राम बन्ने ।
४) सडक निर्माणमा ढिलाइ गरेको भन्दै स्थानीयद्वारा ललितपुरको गोदावरी–हरिसिद्धि– बाडेगाउँ सडक बन्द, निर्माण सुरु भएको पाँच वर्ष बितिसक्दा पनि सडक कालोपत्रे हुन सकेन ।
५) न्वागी पर्वको अवसरमा गुल्मीको इस्मा गाउँपालिकाले दियो सार्वजनिक बिदा, पालिका र मातहतका कार्यालय बन्द ।
६) कञ्चनपुरको शुक्लाफाँटा नगरपालिकाद्वारा किसानलाई ५० प्रतिशत अनुदानमा गहुँको बिउ वितरण, ३२५ जना किसानले पाए उन्नत जातको गहुँको बिउ ।
७) काठमाडौंको गोकर्णेश्वर नगरपालिकाको आयोजनामा ५ नम्बर वडा कार्यालयमा नाप तौल डोर कार्यक्रम सञ्चालन, व्यवसायीले आफ्नै घर आगनमा नाप तौलको दर्ता तथा नविकरण गराए ।
८) भक्तपुर नगरपालिकाले समुदाय स्तरीय घरदैलो नर्सिङ सेवा सुरु गर्ने, कार्यक्रम सञ्चालन गर्न लिवालीस्थित ख्वप इन्जिनियरिङ कलेजमा स्वयंसेविका तथा नर्सको सहभागितामा साताव्यापी अभिमुखीकरण सञ्चालन ।
९) कपिलवस्तुका पाँच पालिकामा फैलिएको हैजा नियन्त्रणमा ल्याउन हैजाविरुद्धको खोप दिन थालियो, १२ मंसिरसम्म खोप दिइने ।
१०) धनुषाको जनकपुरधाम उपमहानगरपालिकाले फोहोर नउठाएको भन्दै वडाअध्यक्ष र सदस्यहरु आन्दोलनमा उत्रिए, नगरप्रमुख लाल किशोर साहको कार्यकक्ष र पालिकाको मुलगेटमा तालाबन्दी ।
११) राष्ट्रपति विद्यादेवी भण्डारीद्वारा महोत्तरीको मटिहानी नगरपालिकाद्वारा निर्मित रङ्गशालाको उद्घाटन,नेपालकै जेठो विद्यालय राजकीय संस्कृत माविको पनि अवलोकन ।
१२) रुकुम पश्चिमको आठबिसकोट नगरपालिकाद्वारा महिला लक्षित आयआर्जन कार्यक्रमका लागि समूह तथा समितिले पेस गरेका प्रस्ताव छनोट, सात दिनभित्र सम्झौता गर्नुपर्ने ।
१३) काठमाडौंको टोखा नगरपालिकाले वडा नम्बर ५ का ७० जना नागरिकलाई मेयर दिर्घायू कार्यक्रम अन्तरर्गत निःशुल्क स्वास्थ्य परीक्षण गर्ने, इच्छुकले वडा कार्यालयमा निवेदन दिनुपर्ने ।
१४) कोरोना रोकथाम र नियन्त्रणका लागि कञ्चनपुरका स्थानीय तहले १८ वर्षमाथिका उमेर समूहलाई खोप लगाउने, ११ मंसिरदेखि खोप अभियान सुरू हुने ।
१५) स्याङ्जाको पुललीबजार नगरपालिकाले कृषकको खेतबारीको माटो परीक्षण गर्ने, माटोको नमुना १० मंसिरभित्र कृषि शाखामा बुझाउनुपर्ने ।
फागुन ३०, २०८०
फागुन ३०, २०८०
फागुन २८, २०८०
कात्तिक १४, २०८१
