मंसिर ०८, २०७८
रूपन्देही–माओवादी केन्द्र रूपन्देहीका इन्चार्ज रामप्रसाद बन्जाडे (टंकमणि) को सवारी दुर्घटनामा परी निधन भएको छ । मोटरसाइकलमा सवार बन्जाडेलाई मंगलबार राती बुटवलको जीतगढीमा बसले ठक्कर दिँदा मृत्यु भएको हो ।
पश्चिमबाट बुटवलतर्फ आउँदै गर्दा उनीसँगै यात्रा गरिरहेका लु२६प ५८९८ नम्बरको मोटरसाइकलका चालक पाल्पा रामपुरका जीतबहादुर थापा गम्भीर घाइते भएका छन् । बुटवलबाट पश्चिमतर्फ जाँदै गरेको ना७ख ९०६ नम्बरको बसले उनीहरूलाई ठक्कर दिएको थियो ।
घटनापछि घाइते भएका उनीहरूलाई बुटवलकै लुम्बिनी सिटी अस्पतालमा उपचारका लागि ल्याइएको थियो । अस्पतालले उपचारकै क्रममा बन्जाडेलाई मृत घोषणा गरेको हो ।
गम्भीर घाइते थापाको अवस्था खतरामुक्त रहेको लुम्बिनी प्रादेशिक ट्राफिक प्रहरी कार्यालय बुटवलका प्रवक्ता प्रहरी नायब उपरीक्षक मोहन खाँणले जानकारी दिए । बन्जाडे माओवादी केन्द्रका केन्द्रीय सदस्यसमेत हुन् ।
फागुन ३०, २०८०
फागुन ३०, २०८०
फागुन २८, २०८०
कात्तिक १४, २०८१
