नवलपरासी पश्चिम– प्रतिनिधिसभा सदस्य तथा पूर्वमन्त्री हृदयेश त्रिपाठी नेतृत्वको जनता प्रगतिशील पार्टी नेपालले पश्चिम नवलपरासी प्रशासनलाई ध्यानाकर्षण पत्र बुझाएको छ ।

बिहीबार प्रमुख जिल्ला अधिकारीमार्फत ज्ञापनपत्र पठाउँदै पार्टीले प्रदेश १, लुम्बिनी प्रदेश र सुदूरपश्चिम प्रदेशमा स्थानी यतहको नामांकन र सीमांकनको टुंगो लगाउन माग गरेको हो ।

स्थानीय तहको निर्वाचनपूर्व नै यसको टुंगो लगाउन माग गर्दै प्रजिअमार्फत प्रधानमन्त्रीलाई ज्ञापनपत्र पठाइएको पार्टीका जिल्ला अध्यक्ष राधेरमण पाण्डेले जानकारी दिए ।

तत्कालीन आयोगको प्रतिवेदनअनुसार मधेस प्रदेशमा मात्रै कार्यान्वयन भएको र अन्य प्रदेशमा नभएकाले त्यसलाई कार्यान्वयन गर्न देशभरबाट दबाब दिइने उनले बताए ।

पार्टीले परासीस्थित बुद्धचोकमा विरोध प्रदर्शन गरेको छ । पेट्रोलियम पर्दाथमा भएको मूल्य वृद्धि फिर्ता, सीमांकन टुंगो लगाउनुपर्नेलगायत माग राख्दै प्रदर्शन गरेको हो ।