काठमाडौं । नेपाल प्रहरीका नवनियुक्त महानिरीक्षक धीरजप्रताप सिंह र सशस्त्र प्रहरी बलका महानिरीक्षक राजु अर्यालले दर्ज्यानी चिन्ह लगाएका छन् ।
सोमबार गृह मन्त्रालयद्वारा आयोजित कार्यक्रमबीच महानिरीक्षक सिंह र अर्याललाई गृह मन्त्रालयका सचिव टेकनारायण पाण्डेले दर्ज्यानी चिन्ह लगाएका हुन् ।
सरकारले आइतबार उनीहरूलाई महानिरीक्षकमा बढुवा गरेको थियो ।
तर, वरियताका क्रममा आफूभन्दा कनिष्ठ सिंहलाई महानिरीक्षक बनाएको भन्दै एआइजीद्वय विश्वराज पोखरेल र सहकुल थापा असन्तुष्ट छन् ।
प्रहरीमा विश्वराज पोखरेल, सहकुल थापा, धीरजप्रताप सिंह र रवीन्द्र धानुक आइजिपीका दाबेदार थिए ।