झापा । नेकपा एमाले झापाका अध्यक्ष दीपक कार्कीको घर अगाडि शङ्कास्पद वस्तु फेला परेको छ ।
कार्कीको घर गौरादह नगरपालिका–३ स्थित घरको प्रवेशद्वारमा शङ्कास्पद वस्तु (तारले जडित प्रेसर कुकर) फेला परेको हो ।
आज बिहान ५:३० बजेतिर प्रवेशद्वारको अगाडि तारले जडित प्रेसर कुकर देखेपछि प्रहरीलाई खबर गरेको अध्यक्ष कार्कीले बताए ।
शङ्कास्पद वस्तु डिस्पोज गर्नका लागि चारआलीस्थित नेपाली सेनाको टोलीलाई बोलाइएको दमक इलाका प्रहरी कार्यालयका प्रहरी नायब उपरीक्षक दिलीप गिरीले जानकारी दिए ।
शङ्कास्पद वस्तु कसले राखेको हो भन्ने बारेमा अनुसन्धान भइरहेको गिरीले बताए ।
असार १०, २०७९
चैत २४, २०८०
