असार २३, २०७९
बाजुराको बुढीगंगा नगरपालिकामा आज पुनः मतदान (निर्वाचन) हुँदै छ । गत वैशाख ३० गते भएको स्थानीय निर्वाचनमा मतदान रद्द भएको बुढीगंगामा आज पुनः मतदान हुन लागेको हो ।
निर्वाचनका लागि १० वटा बुथमा १९ वटा मतदान केन्द्रको व्यवस्था गरिएको निर्वाचन कार्यलयले जनाएको छ । निर्वाचनलाई मर्यादित रूपमा सम्पन्न गर्न आवश्यक सबै व्यवस्थापन मिलाइएकाे प्रमुख जिल्ला अधिकारी प्रकाशचन्द्र अधिकारीले जानकारी दिए ।
निर्वाचन शान्तिपूर्ण रूपमा सम्पन्न गर्न सुरक्षा व्यवस्था मजबुत पारिएकाे उनले बताए । सबै राजनीतिक दल र सराेकारवालाबीच मतदान शान्तिपूर्ण रूपमा सम्पन्न गर्न आवश्यक सहयाेग पुर्याउने सहमति पनि भएकाे उनले जानकारी दिए ।
भयरहित ढंगले मतदानमा सहभागी हुन उनले मतदातालाई आग्रह समेत गरे ।
फागुन १९, २०८०
माघ २५, २०८०
कात्तिक १४, २०८१
