असोज ०६, २०८०
पर्सा- सखुवा प्रसौनी गाउँपालिकाले जमुनिया खोलाबाट नदीजन्य पदार्थ उत्खन्न र निकासीमा रोक लगाएको छ ।
गाउँपालिकाको बिहीबार बसेको बैठकले सो खोलाबाट हुने नदीजन्य पदार्थको उत्खन्न र निकासीमा रोक लगाउने निर्णय भएको गाउँपालिका अध्यक्ष जसवन्त यादवले पालिकाखबरलाई बताए ।
खोलामा रहेका बालुवा, गिट्टी र ढुङ्गा गाँउपालिकाको साझा सम्पत्ति रहेकाले यसलाई जोगाउनु सबैको नैतिक कर्तव्य भएकाले खोलाबाट कुनै पनि नदिजन्य पदार्थको उत्खनन् र निकासी पैठारीमा रोक लगाउने निर्णय गरिएको उनले भने ।
कसैले खोलाबाट नदीजन्य पदार्थको उत्खन्न र निकासी पैठारी गरे ट्याक्टरलाई १० हजार र टिपरलाई ३० हजार जरिवाना तथा कानुन बमोजिम कार्वाही गरिने निर्णय भएको पालिकाले जनाएको छ ।
सरकारले उत्खनन् र निकासी पैठारी गर्न नभने पनि तस्करले नदी र खोलाबाट अवैधरुपमा उत्खनन् गरी चोरी तस्करी गर्ने गरेका छन् ।
फागुन १९, २०८०
माघ २५, २०८०
कात्तिक १४, २०८१
