गाउँपालिकाको केन्द्र सिंगो गाउँकै राजधानी हो । राजधानीमा सबै सेवा सुविधा पर्याप्त हुने अपेक्षा गर्नु अनौठो होइन । तर, ओखलढुंगाका स्थानीय तहमा त्यस्ता सेवा सुविधा छन् भन्नु कल्पना मात्र हुन्छ ।
यहाँका कतिपय स्थानीय तह साँघुरा र जीर्ण भवनमा चलेका छन् भने कतिमा खानेपानी र टेलिफोनको सुविधासमेत छैन । यसले सर्वसाधारण मात्र होइन सेवा प्रदान गर्न बसेका कर्मचारीलाई समेत उत्तिकै हैरानी छ ।
यस्तै हैरानी ब्यहोर्दै आएका छन् मानेभञ्ज्याङ्ग गाउँपालिकाका स्थानीय पनि ।