बैशाख ३१, २०८०
सिन्धुपाल्चाेक । सुनकोशी गाँउपालिकाले एकीकृत घुम्ती शिविर समापन गरेको छ । गाउँपालिकाले विभिन्न सेवासहित सञ्चालन गर्दै आएको घुम्ति शिविर शनिवार समापन गरेको हो ।
गाउँपालिकाले पालिकाभित्रका ७ वटै वडाको केन्द्र देखि टाढा रहेका ७ क्षेत्रमा शिविर संचालन गर्दै आएको थियो । शिविरमा वडा कार्यालय तथा पालिकाले दिने विभिन्न सेवासम्बन्धि शिविर सञ्चालन गरेको जनाइएको छ ।
शिविरमार्फत ४७ जनालाई जेष्ठ नागरिक परिचयपत्र , ३०० जना महिलाहरुमा पाठेघर स्क्रिनिङ तथा प्रजनन स्वास्थ्य सम्बन्धि परीक्षण, १९ वटा उद्योग तथा फर्महरु दर्ता , १०२४ जना कृषकलाई बीउ बिजन तथा कृषि ज्ञान र कृषि पुस्तक वितरण गरेको छ । यसैगरी , १०२७ जना कृषकलाई पशुपंक्षीको लागि ओैषधि वितरण १०२४ जनाको सुगर र रक्तचाप परिक्षण गरेको छ ।
गाउँपालिकाको अनुसार ९ वटा बोका बन्ध्याकरण र १ जनाले अपांगता परिचयपत्र वितरण भएको छ । शिविरमा सम्बन्धित क्षेत्रका नागरिकहरुको उत्साहजनक उपस्थिति रहेको गाउँपालिकाले जनाएको छ । 
तस्बीर: सुनकाेशी गाउँपालिकाकाे सामाजिक सञ्जालबाट
फागुन २७, २०८०
फागुन १३, २०८०
कात्तिक १४, २०८१
