ताप्लेजुङ–नेपाल कम्युनिस्ट पार्टी एकीकृत समाजवादी जिल्ला कमिटी ताप्लेजुङको अध्यक्षमा छिरिङ लामा चयन भएका छन् । शनिबार सदरमुकाम फुङ्लिङस्थित ताप्लेजुङ उद्योग वाणिज्य संघको सभाहलमा भएको अगुवा कार्यकर्ता भेलाले लामा अध्यक्षताको ७२ सदस्यीय जिल्ला कमिटी घोषणा गरेको हो ।
भेलाले उपाध्यक्षद्वयमा दुर्गा चोङ्वाङ र मञ्जु पौडेल भट्टराईलाई चयन गरेको छ । सचिवमा मोहन न्यौपाने र सहसचिवमा रक्की थेबे रहेका छन् । नेकपा एकीकृत समाजवादी केन्द्रीय सदस्य तथा प्रदेशसभा सदस्य गणेश काम्बाङको प्रमुख आतिथ्यमा कार्यक्रम भएको थियो ।
भेलामा जिल्ला अगुवा कार्यकर्ताले पार्टीलाई जीवन्त, जनमुखी र वैकल्पिक शक्तिको रूपमा स्थापित गर्न अबको ध्यान संगठन विस्तारमा केन्द्रित गर्ने प्रण गरे ।