काठमाडौं । पूर्वीरुकुममा एमाले कार्यकर्ताको हत्या भएको आरोपमा तीन जना पक्राउ परेका छन् ।
पूर्वी रुकुमको पुथा उत्तर गाउँपालिकामा एमालेनिकट जुनमाया बुढाको हत्याको आरोपमा अर्जुन बुढा, कुमार सिंह र जयकुमार बुढा पक्राउ परेको प्रहरी कार्यालय पूर्वी रुकुमले जनाएको छ ।
हत्या आरोपमा पक्राउ पर्नेहरू तीनैजना नेकपा माओवादी केन्द्रका कार्यकर्ता भएको खुलेको छ ।
वैशाख ११ मा नेकपा एमाले र माओवादी केन्द्रका कार्यकर्ताबीच झडप भएको थियो । झडप भएपछि मृतक जुनमाया बेपत्ता भएकी थिइन् ।