भैरहवा । मापदण्डविपरित खोलिएमो भैरहवास्थित पौवा होटलको स्विमिङ पुलको सेवा बन्द गरिएको छ ।
शुक्रबार पौवा होटलस्थित स्विमिङ पुलमा डुबेर स्थानीय सिद्धार्थनगर नगरपालिका वडा नम्बर ६ का २७ वर्षीय सुमित तुलाधरको मृत्यु भएको थियो । दुई साता अगाडि रातिको समयमा सोही ठाँउमा एक युवकको डुबेर मृत्यु भएको थियो ।
स्थानीय तथा परिवारले शनिबार बिहान जिल्ला प्रहरी कार्यालय पुगेर प्रशासनलाई घटनाबारे ध्यानाकर्षण गराएका थिए ।
होटलबाट कुनै पनि प्रकारको सुरक्षाको काम नभएको भन्दै आक्रोशित परिवारले यस्ता घटना दोहोरिन नदिनका लागि सबै स्विमिङ पुल मापदण्ड पूरा गरेर मात्रै सञ्चालनमा ल्याउनु पर्ने माग गरेका छन् ।
प्रहरी र प्रशासनको टोलीले उक्त पुलको अनुगमन गरी सुरक्षा मापदण्ड नभएरको भेटिएको भन्दै तत्कालका लागि बन्द गरेका हुन् ।