काठमाडौं । पहिलो टी-ट्वान्टी अन्तर्राष्ट्रियमा अष्ट्रेलियाले घरेलु टोली भारतलाई पराजित गरेको छ ।
भारतको मोहालीमा मंगलबारराति अष्ट्रेलियाले भारतलाई ४ विकेटले हराएको हो । भारतले दिएको २०९ रनको लक्ष्य अष्ट्रेलियाले १९ ओभर २ बलमा ६ विकेट गुमाएर पूरा गर्यो ।
त्यसअघि पहिले ब्याटिङ गरेको भारतले २० ओभरमा ६ विकेट गुमाएर २०८ रन जोडेको थियो । यस जितसँगै अष्ट्रेलियाले ३ खेलको सिरिजमा १-० को अग्रता बनाएको छ । दोस्रो शुक्रबार र तेस्रो खेल आइतबार हुन्छ ।