काठमाडौं । नागरिक सुरक्षा, प्रजातन्त्र र मानवअधिकार उपमन्त्री तथा तिब्बती मुद्दाहरूका लागि अमेरिकी विदेश संयोजक उज्रा जिया शुक्रबार काठमाडौं आइपुग्ने भएकी छन् ।
मंगलबार नयाँदिल्ली उत्रिएकी अमेरिकी उपप्रधानमन्त्री जिया शुक्रबार नेपाल आइपुग्ने भएकी हुन् । नेपाल आउनुअघि उनले बिहीबार तिब्बती दलाई लामासँग पनि भेट गरेकी छन् ।
४ औँ दलाई लामासँग धर्मशालामै पुगेर भेटवार्ता गरेकी उनले भारतमा रहेका तिब्बतीहरूसँग पनि भेट गरेकी थिइन् ।
अमेरिकी विदेश मन्त्रालयकाअनुसार जियाको भ्रमणमा मानवअधिकार र लोकतान्त्रिक शासनका लक्ष्यहरूमा सहयोगलाई अझ गहिरो बनाउन र मानवीय प्राथमिकताहरू अगाडि बढाउन भारत र नेपालमा केन्द्रित हुने उल्लेख भए पनि उपमन्त्री जियाले नेपाल सरकारका उच्च अधिकारीसहित तिब्बती शरणार्थीसँग भेटवार्ता गर्ने कार्यक्रम छ ।
तिब्बत छाडेर भारतमा निर्वासित जीवन बिताइरहेका दलाई लामासँग भेट गरी हुन लागेको उनको नेपाल भ्रमणलाई महत्त्वका साथ हेरिएको छ ।