काठमाडौं । सामाजिक सञ्जालमा नक्कली आइडी बनाएर महिलाको चरित्रहत्या गर्ने व्यक्तिलाई प्रहरीले पक्राउ गरेको छ ।
फेसबुकमा नक्कली अकाउन्ट बनाएर दु:ख दिने सप्तरीका सुमितकुमार थापालाई पक्राउ गरिएको नेपाल प्रहरीको साइबर ब्यूरोले जनाएको छ ।
उनले फेसबुकमा नक्कली आईडि बनाएर आफ्नो वाल र टाइमलाइनमा पीडितको फोटोको साथमा अन्य अपरिचित महिलाको अश्लिल तस्बिर राखी अश्लिल शब्दहरू पोष्ट गर्ने गरेका प्रहरीले जनाएको छ ।
साथै पीडितको बारेमा विभिन्न अश्लिल म्यासेजहरू गरी पीडितको बदनाम, बेईज्जत गरी अनावश्यक मानसिक तनाव, दुःख हैरानी दिने गरेको व्यूरोले जनाएको छ ।
ब्यूरोले काठमाडौ जिल्ला अदालतबाट सात दिनको म्याद थप गरी उनीमाथि आवश्यक अनुसन्धान गरिरहेको छ ।